مجھے ایک دوست کے بارے میں فکر ہے

اگر آپ کی یا آپ کے کسی دوست کی شادی زبردستی کی گئی ہے یا آپ کو یہ فکر ہے کہ آپ کی زبردستی شادی ہونے والی ہے تو یہ جان لیں کہ مدد دستیاب ہے اور آپ تنہا نہیں ہیں۔

ہو سکتا ہے آپ اپنے مستقبل کے بارے میں خوفزدہ اور بے یقینی کا شکار ہوں اور اپنے جذبات اور فرائض کے بارے میں آپ کی سوچیں منتشر ہوں۔ آپ اس صفحے پر دیے گئے نمبروں میں سے کسی نمبر پر رابطہ کر کے مدد حاصل کر سکتے ہیں۔

اس سے فرق نہیں پڑتا کہ آپ کی عمر کیا ہے؛ آپ کس ملک سے ہیں یا آپ کا خاندانی پس منظر کیا ہے؛ آپ مرد ہیں یا عورت؛ یا آپ کی تہذیب یا مذہب کیا ہے – کسی کو اجازت نہیں کہ آپ کی مرضی کے خلاف آپ کی شادی کرواۓ۔

زبردستی کی شادی کی نشانیاں

اگر آپ کے کسی واقف کی شادی زبردستی کی گئی ہے یا اسے زبردستی کی شادی کا خطرہ پیش ہے تو ممکن ہے وہ اپنی صورتحال کے بارے میں بات کرنا مشکل پاتا ہو۔ اگر آپ کو کسی شخص میں مندرجہ ذیل باتیں دکھائی دیں تو اس کا یہ مطلب ہو سکتا ہے کہ اس کی شادی زبردستی ہوئی ہے یا اسے زبردستی شادی کر دیے جانے کا خطرہ پیش ہے۔

زبردستی کی شادی کی نشانیاں پہچاننا مشکل ہو سکتا ہے اور آپ کو جلد از جلد مدد اور مشورہ طلب کرنا چاہیئے۔ یہ اہم ہے کہ آپ ہمیشہ اس شخص کے بہترین مفاد میں کام کریں جس کی شادی زبردستی کی گئی ہے یا جسے زبردستی کی شادی کا خطرہ ہے، اور آپ ہمیشہ اس کی حفاظت کے ساتھ ساتھ خود اپنی حفاظت کا بھی دھیان رکھیں۔

اچانک اعلان

اس کی منگنی ہو جانے کا اچانک اعلان جبکہ وہ اس بارے میں خوش نہ دکھائی دیتا ہو۔

چلے جانا

وہ شخص اچانک سکول، یونیورسٹی یا کام پر جانا چھوڑ دے۔

غیرحاضری

وہ شخص کوئی وجہ بتاۓ بغیر بہت زیادہ وقت سکول، یونیورسٹی یا کام سے دور گزارے۔

فرار

وہ گھر سے بھاگ چکا ہو۔

بدسلوکی

گھریلو تشدد یا بدسلوکی کے شواہد موجود ہوں۔

روایت

اس شخص کے بڑے بھائیوں یا بہنوں نے سکول جانا چھوڑ دیا تھا یا ان کی شادی 18 سال کی عمر سے پہلے ہو گئی تھی۔

کنٹرول میں

اس شخص کو کبھی باہر جانے کی اجازت نہیں ہوتی یا عام طور پر گھر کے کسی فرد کے ساتھ جانا پڑتا ہے۔

ڈپریشن

وہ ڈپریشن، خود کو نقصان پہنچانے، منشیّات یا الکحل کے غلط استعمال کی علامات ظاہر کرتا ہو۔

خوفزدہ

وہ گھر والوں کے ساتھ ملک سے باہر چھٹیوں پر جانے سے خوفزدہ یا گھبرایا ہوا معلوم ہوتا ہے۔

Locker Room

The Locker Room

Close