म मेरो साथीको बारेमा चिन्तित छु।

यदि तपाई वा तपाईको साथी बलजफ्ती विवाहमा फस्नु भएको छ वा विवाहको लागि बाध्य गराइँदैछ भनेर चिन्तित हुनुहुन्छ भने, कृपया मद्दत उपलब्ध छ र तपाई एक्लै हुनुहुन्न भन्ने कुरा थाहा पाउनुहोस्।

तपाई डराउनुभएको छ वा आफ्नो भविष्यप्रति अनिश्चित हुनु हुन्छ होला र आफ्नो भावना तथा कर्तव्यका बारेमा अन्योलमा हुनु होला। तपाईले यस पृष्ठमा भएका नम्बरहरुमध्ये एउटामा सम्पर्क गरेर सहयोग प्राप्त गर्न सक्नुहुन्छ।

तपाईको उमेर, देश वा तपाई कुन पारिवारिक पृष्ठभूमिबाट आएको, तपाई पुरुष हो या महिला, तपाईको धर्म वा सँस्कृति के हो भन्ने कुराले केही फरक पर्दैन – कसैले पनि तपाईको इच्छाविना तपाईलाई विवाह गर्न बाध्य बनाउन पाउँदैन।

बलजफ्ती विवाहका संकेतहरु

यदि तपाईले चिनेको कोही व्यक्ति बलजफ्ती विवाहमा फसेको छ वा फस्ने जोखिममा छ भने, उनीहरुको अवस्थाका बारेमा कुरा गर्न उनीहरुलाई कठिन हुन सक्छ। यदि तपाईले व्यक्तिमा तलका केही कुराहरु देख्नुहुन्छ भने त्यो व्यक्ति बलजफ्ती विवाहमा फसेको वा बलजफ्ती विवाहमा फस्ने जोखिममा रहेको हुन्छ।

बलजफ्ती विवाहको संकेतहरु पहिचान गर्न कठिन हुन सक्छ र तपाईले जतिसक्दो छिटो मद्दत तथा सुझाव खोज्नुपर्छ। तपाईले सदैव बलजफ्ती विवाहमा फसेको वा यस्तो जोखिममा रहेको त्यो व्यक्तिको उत्तम हितका लागि काम गर्न, र तपाई सदैव उनीहरु तथा आफ्नोसमेत सुरक्षाको लागि चनाखो हुन महत्वपूर्ण हुन्छ।

अचानक घोषणा

एउटा अचानक घोषणा जसमा उनीहरुको सम्बन्धको लागि पक्का गरिन्छ तर त्यसमा उनीहरु खुसी देखिँदैनन्।

बिदाइ

उनीहरूले अचानक स्कूल, विश्वविद्यालय वा काम छोड्छन्।

अनुपस्थिति

कारण नदेखाइ उनीहरु विद्यालय, विश्वविद्यालय वा कामबाट लामो समयसम्म अनुपस्थित हुनु।

भाग्नु

उनीहरु घरबाट भागेका छन्।

दुरुपयोग

पारिवारिक हिंसा वा दुरुपयोग भएको प्रमाण भेटिन्छ।

रीतिरिवाज

उनीहरुको जेठा दाजु वा दिदीले स्कूल जान छोड्छन् वा १८ वर्ष नकट्दै विवाह गरेका थिए।

नियन्त्रण

उनीहरुलाई घरबाहिर जाने अनुमति कहिल्यै प्राप्त हुँदैन वा प्रायः परिवारको कोही व्यक्ति साथै लिएर हिँड्नु पर्ने हुन्छ।

मनोरोग

उनीहरुले मनोरोगको संकेत, आफैलाई चोट पुर्‍याउने, लागूऔषध वा मदिरा दुरुपयोगको संकेत देखाउँछन्।

त्रसित

आउँदै गरेको बिदेश जाने पारिवारिक भ्रमण बारे उनीहरु त्रसित वा विचलित देखिन्छन्।

Locker Room

The Locker Room

Close